«Վագներ» մասնավոր ռազմական ընկերության հիմնադիրը պնդում է, որ Ռուսաստանի իշխանությունները սխալվել են, երբ ընդդիմադիրներին թույլ են տվել մեկնել արտերկիր։
Եվգենի Պրիգոժինը կարծում է, որ ընդդիմադիրներին պետք է ուղարկեին Ուկրաինա՝ կռվելու։
«Ես գլոբալ առումով համաձայն չեմ պետության քաղաքականությանը, որը թույլ է տալիս Նավալնիի նման բոլոր մարդկանց փախչել արտերկիր: Պետք է հավաքեին, մեկ տուգանային գումարտակ կազմեին ու հանձնեին ինձ։ Չկասկածեք, որ բոլորը հերոսաբար կզոհվեին»,- ասել է Պրիգոժինը։
Պրիգոժինն այս հայտարարությունն արել է այն բանից հետո, երբ իրեն խնդրել են մեկնաբանել ռուս ընդդիմադիր Ալեքսեյ Նավալնիի տեղեկությունն այն մասին, որ նա գտնվել է գաղութում, որտեղ Նավալնին կրում է իր պատիժը և փորձել է հավաքագրել բանտարկյալների՝ ուղարկելու Ուկրաինա կռվելու։
Միաժամանակ Պրիգոժինն ասել է, որ կալանավորները պետք է հնարավորություն ունենան պատերազմ գնալու, քանի որ նրանց «հնարավորություն է տրվում մաքրվել և երկրորդ հնարավորություն ստանալ՝ պատերազմի սարսափների միջով անցնելուց հետո»։ Նրա խոսքով, «ոչ ոք չի կարող մարդուց խլել իր հայրենիքը, իր մորը և իր ընտանիքը ցանկացած միջոցներով պաշտպանելու իրավունքը»։
