Այսօրվանից՝ մայիսի 15-ից, պաշտոնապես ուժի մեջ է մտել Ռուսաստանի Դաշնության նախագահ Վլադիմիր Պուտինի ստորագրած հրամանագիրը, որով չեղարկվել է Վրաստանի հետ 2000 թվականից գործող վիզային ռեժիմը:
Այսօրվանից Վրաստանի քաղաքացիներն առանց վիզայի Ռուսաստանում կարող են մնալ 90 օր։
Նշենք, որ Պուտինն այս հրամանագիրը ստորագրել է մայիսի 10-ին։ Ռուսաստանի նախագահի նույն օրը հրապարակած երկրորդ փաստաթղթով չեղարկվել է նաև 2019 թվականի ամառվանից գործող Վրաստանի հետ ուղիղ օդային հաղորդակցության արգելքը։
Ուղիղ չվերթները, հնարավոր է վերսկսվեն մայիսի 16-ից:
