Կրեմլը ծանոթ չէ ուկրաինական հատուկ ծառայությունների կողմից Պուտինի դեմ մահափորձի վերաբերյալ հրապարակումներին։ Այս մասին հայտարարել է պետության ղեկավարի մամուլի քարտուղար Դմիտրի Պեսկովը, փոխանցում է ՏԱՍՍ-ը։
«Հիմա նման տարբեր «դեղին գյուտեր» շատ կան»,- ասել է Կրեմլի ներկայացուցիչը։
Ավելի վաղ գերմանական Bild-ը նյութ էր հրապարակել, որում հաղորդվում էր, որ Ուկրաինայի անվտանգության ծառայությունը կիրակի՝ ապրիլի 23-ին, անօդաչու թռչող սարքով հարձակում էր ծրագրել Ռուսաստանի նախագահի վրա։ Նշվել է, որ անօդաչու թռչող սարքը պետք է ուղղորդվեր դեպի նորակառույց արդյունաբերական պարկ՝ պետության ղեկավարի ժամանումից չորս օր առաջ։
