Գերեզմանափորները ճիչեր են լսել ու ողջ թաղված կնոջ են գտել

Բրազիլացի գերեզմանատան աշխատակիցները փրկել են գերեզմանում ողջ-ողջ թաղված կնոջը

Բրազիլիայի Visconde do Rio Branco մունիցիպալիտետի մունիցիպալ գերեզմանատան աշխատակիցները գերեզմաններից մեկում ողջ-ողջ թաղված կնոջ են գտել։ Այդ մասին հայտնում է Mirror-ը։

Գերեզմանափորները լսել են ճիչերն ու կնոջը հայտնաբերելուց հետո ոստիկանություն են կանչել։ Դեպքի վայր ժամանած ոստիկանները փրկել են տուժածին։ Ավելի ուշ նրան տեղափոխել են հիվանդանոց։

Տուժողի խոսքով՝ երկու դիմակավորված անձ իրեն տարել են գերեզմանոց, ապա ծեծի ենթարկել ու գերեզմանը գցել։ Գերեզմանը կնքվել է ցեմենտով և աղյուսով։ Ոստիկանության տվյալներով՝ կինը զբաղվել է թմրանյութերի տարածմամբ, սակայն այս անգամ կորցրել է ապրանքը և այդ պատճառով դարձել հանցագործների զոհ։ Իրավապահներն արդեն պարզել են հանցագործներին և այժմ փնտրում են նրանց։