Ախալցիխեի քաղաքապետարանում սպասվում է աշխատավարձերի բարձրացում: Այսօր, դեկտեմբերի 23-ին, Ախալցիխեի քաղաքապետարանի 2023 թվականի բյուջեն հաստատվեց: Նոր բյուջեի չափը կազմում է 30 մլն լարի: Այս տարի՝ 2022 թվականին բյուջեն սահմանվել էր 21 մլն լարի:
Առաջնահերթությունները դեռևս ենթակառուցվածքային, առողջապահական, կրթության և սոցիալական ուղղություններն են։ Ավելացվել են նաև երկու նոր առողջապահական ծրագրեր։
Ախալցիխեի քաղաքապետարանում և սակրեբուլոյում բարձրանում են աշխատավարձերը։ Ախալցիխեի քաղաքային խորհրդի աշխատավարձի բյուջեն ավելանում է 94 300 լարիով, իսկ Ախալցիխեի քաղաքապետարանինը՝ 1 087 100 լարիով։
Աշխատավարձը կբարձրանա 2023 թվականի հունվարի 1-ից:
